當然...不可能240分鐘也是自己人大混戰...所以誠邀左一間本港球會既球迷會嚟舉行友誼賽...

頭場5-7...由小弟的球隊主場對球迷會...由於晚上還要混戰的關係...小弟拖行馬(劈友乎)...差不多a隊b隊盡出...比賽初段...小弟已經負傷...左邊波羅蓋咬親...好景不常...小弟的一隊被人以一球符碌波笠死領先...以小弟從不向傷痛屈服的性格...原本還想繼續...但與對手多番碰撞後...小弟的一隊終於追成平手...而小弟也迫於無奈...要退下火線...後來更反先2-1...可能他們洩了氣的關係...居然叫暫停...而又由於對方內哄的關係...這個暫停變為完場...而頭場的餘興...就是混戰part 1...結果小弟的一隊居然輸了2-0(因為小弟這個傷兵的負累乎)...

吃完飯後就是混戰part 2...亦由小弟這個傷兵肩負中堅的重責...雖然小弟的一方有一個好開始...轉瞬間...贏到3-0...但亦轉瞬間反勝為敗...其間...雖然小弟瓦解了大部份攻勢...但由於體力透支及傷疲的關係...落後到3-4...小弟的隊友像不知小弟已經負傷...居然擺下105這戰術(小弟踢的是7人場)...小弟唯有咬緊牙關...繼續做這唯一的後防...而小弟又因一次瓦解攻勢下...又再咬親左邊波羅蓋...在一聲慘叫下...只好再次退下火線...結果小弟的一隊慘負4-7...